Baixo un gran ambiente festivo, de cordialidade e
deportividade desenvolveuse o “Campeonato Gallego de Kickboxing 2013”. O
Campionato, organizado pola “Federación Gallega de Kickboxing e DDAA” xunto á “Fundación
Cipri Gomes” celebrouse este ano en Expourense (Ourense) coincidindo co “Megaxoven”,
no que participaron numerosos clubs de diferentes puntos da comunidade
autónoma.
O Club Kickboxing Lalín participou con tres competidores,
todos na modalidade de “Light-Contact”, pero en diferentes categorías de peso.
Manuel Bardelás Palmou, en -75 Kg; Ciprián Sarbu en -85 Kg e José Martín García
González en +90 Kg. 
Nesta ocasión a sorte é favorable aos lalinenses, non así
noutras moitas ocasións, e conséguense uns bos resultados ante unha actuación
mellorable. Os dous veteranos do club, José Martín e Ciprián, non brillan como
é habitual e conseguen ambos a medalla de prata nas súas respectivas
categorías.
O debutante na competición galega, Manuel, protagoniza a
sorpresa da xornada para o club do Deza e logra a medalla de ouro nun combate
maduro, ben exposto, logrando a vitoria pola mínima e proclamándose “Campeón Gallego
de Light-Contact da FGK”.
Grandes resultados para o Club Kickboxing Lalín, que
compensan en parte os esforzos diarios destes deportistas, que como na maioría
dos deportes amateurs, o máximo premio é a satisfacción persoal.
No hay comentarios:
Publicar un comentario