VIII COPA DIPUTACIÓN DE OURENSE (04/06/2016). RESULTADOS.

O pasado sábado 4 de Xuño, o Club Kickboxing Lalín participou con tres competidores na Copa Deputación de Ourense na súa 8ª edición, nas  instalacións do  Pazo de Deportes Paco Paz. Torneo este ano un tanto descafeinado por non contar coa presenza dalgúns dos clubs máis punteiros do panorama autonómico. Quizais salvou un pouco o nivel da competición a presenza de equipos cántabros e vascos que contaban con campións de España nas súas filas.

Formaron parte do equipo do Deza David Gil Nogueira en 13-14-15 anos masculino e +69 Kg. Manuel Cerqueiro Montoto en de 19 a 40 anos masculino e -69 Kg. e Marcos Fernández Méndez en de 19 a 40 anos masculino e -84 Kg. Os tres participaron nas probas de Point Fighting e Light-Contact.

Os resultados: David Gil 3º en Point Fighting e 1º en Light-Contact. Manuel Cerqueiro 3º en Point Fighting e 1º en Light-Contact. Marcos Fernández 3º en Point Fighting e 2º en Light-Contact.

Uns bos resultados, pero con certa sensación de que podían ser mellores, sobre todo na proba de Point Fighting, nalgún caso por discutibles decisións arbitrais, noutros por non saír bos combates.

De todos os xeitos un gran campo de adestramento para afrontar competicións de maior calado, ou como no caso de David Gil, para ir tomando contacto cunha nova categoría.