O Club Kickboxing Lalín terá representación no “Campionato
Galego de Kicklight” na que pode ser a última competición oficial da FDGK á que
acudan os do Deza.
A representación correrá a cargo de David Gil Nogueira na
categoría de 13-14-15 anos e +69 Kg e Manuel Cerqueiro Montoto na categoría de
19 a 40 anos e -69 Kg.
A competición terá lugar o sábado 3 de Decembro no Pavillón
Municipal de Moraña, transcorrendo as eliminatorias a partir das 10:30 h. e as
finais a partir das 17:00 h.
Os representantes do club lalinense esperan rubricar cuns
bos resultados un gran ano cheo de
éxitos nas diferentes probas nas que participaron, aínda que será a primeira
vez para os dous loitadores que participen en Kicklight.

No hay comentarios:
Publicar un comentario