Sorte dispar para os dous participantes do Club Kickboxing
Lalín no Campionato Galego de Kicklight celebrado o pasado sábado na localidade
pontevedresa de Moraña.
Manuel Cerqueiro Montoto, (+18 anos e -69 Kg.) apéase en
oitavos nunha das categorías a priori máis difíciles da competición. Manuel non
logra adaptarse ao 100% na súa primeira participación na proba de Kicklight e
perde por moi pouca marxe nun igualado combate contra Rodrigo Fernández de
Poio.
David Gil Nogueira (13-14-15 anos e +69 Kg.), tamén na súa
primeira participación na proba de Kicklight, alcanza a final na que cae ante o
local e campión nacional e internacional Carlos Nicolas Medranda do ABP. O de
Moraña non dá opción ao lalinense que chega tocado nun xeonllo dun duro combate
que disputa en semifinais.
David Gil pecha o ano
desta maneira cunha medalla de prata nun magnífico ano ao que hai que sumar ao
subcampeonato en Kicklight conseguido en Moraña os títulos de Campión Galego en
Point Fighting, Campión Galego de Lightcontact e bronce no nacional de Point Fighting.
No hay comentarios:
Publicar un comentario