Dous integrantes do Club Kickboxing Lalín participaron o
pasado 01/04/2017 no Campionato Galego de Kickboxing na proba de Light-Contact. O evento, que
contou coa presenza de máis de 200 competidores, tivo lugar no Pazo dos
Deportes “Paco Paz” de Ourense.
David Gil Nogueira , categoría de 13-14-15 anos e +69 Kg.
queda a portas de loitar por medalla e cae en cuartos contra Ismael Vázquez
Sobrado do Full Karate Club Galaico, nun combate moi igualado, sendo dúas
follas de puntuación arbitral desfavorables para David pola mínima e unha
terceira que o daba como gañador.
A maior alegría para os lalinenses chega de mans de Manuel
Cerqueiro Montoto, categoría de 19 a 40 anos e + de 69 Kg. , que logra de novo
un subcampeonato galego, que se suma ao de Full-Contact logrado fai escasas
xornadas.
Cerqueiro logra chegar ata a final, onde cae contra José
Ramón Campos do Club Florida Gym, nunha discutible decisión arbitral, que mesmo
chega a sorprender ao propio rival.
O próximo evento no que sexa probable a participación do
Club Kickboxing Lalín sería no Campionato Galego na proba de Kicklight que se
celebrará o 22 de Abril do presente na localidade coruñesa de Toques.
No hay comentarios:
Publicar un comentario