Non tiñan nada que perder... Eran a primeira vez que competían, os cruces na competición non favorecían a augurar bos resultados e sabían que ían competir cos mellores; deportistas moi rodados en competición, algúns mesmo en modalidades de pleno contacto. Pero os resultados conseguidos polos representantes do club dezano no Campionato Galego Oficial de Kickboxing Sénior 2011 das modalidades Semi-Contact, Light-Contact, Low-Kick Control Contact e Formas non podían ser máis satisfactorios.
O púxil Manuel Tato Espiño consegue un total de catro medallas repartidas da seguinte forma:
- Light-Contact: Medalla de Ouro e Campión Galego ano 2011 en -75 Kg.
- Semi-Contact: Medalla de Prata e Subcampión Galego ano 2011 -75 Kg.
- Low-Kick Control Contact: Medalla de Bronce en -75 Kg.
- Formas: Medalla de Bronce
O outro dos dous representantes dezano, Johan David Rodríguez Martínez, consegue unha Medalla de Bronce na única categoría que se presenta, Semi-Contact -70 Kg, podendo ser os resultados aínda mellores de presentarse tamén a competir noutras modalidades.
Un total de cinco medallas e un Campionato Galego Oficial conseguidos polos dous bravos dezáns na primeira competición na que participan, fainos pensar nun futuro cheo de logros.
No hay comentarios:
Publicar un comentario