Os dous representantes do Club Kickboxing
Lalín que participaron na “5ª Copa Deputación de Ourense”, celebrada o pasado
sábado 6 de Xullo, logran medallas.
Por unha banda José Martín García logra o
bronce na modalidade de Light-Contact, ao apearse en semifinais nun combate no
que o rival, aínda non sendo claramente superior, non deixou traballar
comodamente ao dezán, que non lograba puntuar con claridade.
Ciprian Sarbu, igualmente na modalidade de
Light-Contact, non logra pór a guinda nunha final moi igualada e queda coa
prata despois de lograr o pase cunha magnífica actuación.
Ambas medallas teñen un valor engadido se
se ten en conta que ningún dos dous chegaban ao 100% fisicamente, xa que se deu
a casualidade que ambos sufrisen pequenas lesiones días anteriores ao evento
que impediron que adestrasen con normalidade, minguando claramente o seu
rendemento na competición.
O evento deportivo congregou, segundo
datos da organización, a 20 entidades deportivas e a mais de 150 deportistas,
que se cruzaron no tatami nas categorías de pre-benxamín, benxamín, alevín,
infantil, cadete, xuvenil e sénior, correspondentes ás probas de Light-Contact,
Semi-Contact e Low-Kick Control Contact, todas elas probas onde non está
permitido o contacto pleno.
A
organización do evento correu a cargo da “Federación Gallega de Kickboxing e
Disciplinas Asociadas”, coa colaboración das “Escolas de Kickboxing Cipri Gomes”.
Ao evento asistiu o responsable da área de deportes da Deputación de Ourense, o
Sr. Bernardino González, que fixo as honras na entrega de medallas aos
participantes.
Este tipo de eventos son moi interesante
para prepararse de cara a competicións de maior calado, como pode ser o “Campeonato
Gallego” que este ano está previsto se realice a mediados do mes de Outubro.
No hay comentarios:
Publicar un comentario