Inscripcións Campionato Galego de Point Fighting (05/03/2017)

Primeira competición oficial para o Club Kickboxing Lalín neste ano. O vindeiro domingo 5/03/2017 disputarase o Campionato Galego de Kickboxing na proba de Point Fighting (Semi Contact) no Pavillón da Montesiña na localidade pontevedresa de Soutomaior a partir das 10:00 horas.

A representación lalinense correrá a cargo de David Gil Nogueira na categoría de 13-14-15 anos masculino  e +69 Kg. e de Manuel Cerqueiro Montoto na categoría de 19 a 40 anos masculino e -69 Kg.

Lembramos que o ano pasado, no Galego de Point Fighting, Manuel Cerqueiro lograba o subcampeonato na mesma categoría e David Gil lograba ser Campión Galego e medalla de bronce no Campionato de España, aínda que na categoría de 10-11-12 anos e +47 Kg.